主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
沙頭角位於新界北區,與內地深圳市鹽田區接壤,1951年開始被列為邊境禁區,2022年起陸續開放。喺呢個咁獨特嘅邊境之中,有22幢兩層高,而且有90年歷史嘅樓房,相連組成一列排樓,並命名為新樓街。《共聚新樓街。發現沙頭角》展覽嘅計劃負責人史嘉茵分享到,團隊過去數年透過口述歷史訪談及深入考證歷史文獻等等工作搜集資料,並且邀請五位藝術家以不同嘅藝術手法,呈現沙頭角獨特之美。
「築覺漫遊系列 」建築師洪彬芬 Fanny會帶大家認識十九世紀法籍瑞士裔嘅現代主義建築大師勒·柯比意 (Le Corbusier)。佢嘅貢獻對後世影響深遠,其中日本建築師安藤忠雄亦深受佢影響。聯合國教科文組識世界遺產委員會喺2016年將勒·柯比意設計嘅17個建築作品列入世界文化遺產, Fanny會帶大家由日本去到法國,深入研究其中幾件代表作嘅精妙之處!
主持人:李秋婷
一架列車可以載你周遊列國,仲會帶你漫遊古典音樂嘅世界?
資深音樂工作者蕭樹勝主持嘅講座系列「優美號列車--漫遊古典天地」,將會一連十場,介紹不同古典音樂名曲,分析當中嘅節奏、樂器組合及歌詞等等,令觀眾仿如踏上探索古典音樂世界之旅,領略美樂中嘅樂趣。
真實故事最能夠打動人心,喺香港耀能協會賽馬會田綺玲學校嘅老師指導及協助下,肢體傷殘嘅同學們親自擔綱演出改篇自佢哋嘅故事。去年香港學校戲劇節佢哋憑音樂劇<看見>與一般中學比拼,獲得傑出舞台效果獎、傑出合作獎,三位同學更獲得傑出演員獎。馬漢銘主任聯同兩位得獎同學李逸梵以及區偉堅,將會分享今次演出嘅寶貴體驗。